Թուրք-սիրիական սահմանին ռազմական մեքենաների շարժ է նկատվել
23:40 , 15 հուլիս, 2019Ermenihaber.am-ը գրում է.
Սիրիային սահմանակից Թուրքիայի Շանլըուրֆա նահանգի Ջեյլանփընար շրջանում նկատվել է թուրքական ռազմական մեքենաների տեղաշարժ։
Ըստ թուրքական մամուլում հրապարակված տեղեկությունների՝ թուրքական 20-րդ զրահատանկային բրիգադի շտաբից հուլիսի 14-ի լույս 15-ի գիշերը զրահապատ մեքենաներից և ավտոբուսներից կազմված ավտոշարասյունը շարժվել է սահմանային Ջեյլանփընարի շրջան։
Հայտնի է, որ սահմանային անվտանգությունն ապահովելու նկատառումով զրահապատ ռազմական մեքենաները տեղակայվել են սահմանային անցակետերում։