Արցախյան շարժման առաջին զոհն է՝ սովետական սպայի կողմից գնդակահարված լրագրող Խաչիկ Զաքարյանը
14:28 , 5 հուլիս, 2019Արցախյան շարժման առաջին զոհն է՝ «Զվարթնոցում» սովետական սպայի կողմից գնդակահարված լրագրող Խաչիկ Զաքարյանը:
1988թ. հուլիսի 5-ին խորհրդային զորքերը հանցագործ գեներալ Մակաշովի գլխավորությամբ գրոհեցին «Զվարթնոց» օդանավակայան: Նպատակն աշխատակիցների գործադուլը կանխելն էր և ծավալվող շարժման նկատմամբ պատժիչ գործողություն սկսելը: Տեղեկանալով այդ մասին՝ Ազատության հրապարակից մի քանի հազար ցուցարար շարժվեց դեպի Զվարթնոց: Խորհրդային զորքերը «Զվարթնոցում» սկսեցին ջարդել հավաքված ցուցարարներին: Հարյուրավոր մարդիկ վիրավորվեցին, իսկ Խաչիկ Զաքարյանը, ով լուսաբանում էր հանրահավաքը, ուղղակիորեն դիմահար գնդակահարվեց սովետական հանցագործ զորքերի սպայի կողմից: