Mazda-ն մոտ 3 մ բարձրությունից ընկել է թիվ 179 դպրոցի բակ. վարորդը հոսպիտալացվել է

Հունիսի 30-ին, ժամը 21:14-ին «911» ծառայությանն ահազանգ է ստացվել, որ Երևան քաղաքի Օհանովի փողոցի շենքերից մեկի մոտակայքում տեղի է ունեցել ՃՏՊ. ավտոմեքենան մոտ 10 մ բարձրությունից ընկել է թիվ 179 դպրոցի բակ. կա տուժած:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ «Mazda 6» մակնիշի ավտոմեքենան (վարորդ Մ.Ա., ծնված 1992 թ.) շենքի ավտոկայանատեղիից՝ մոտ 3մ բարձրությունից, ընկել է թիվ 179 դպրոցի բակ․ վարորդը տեղի ուժերով դուրս է բերվել ավտոմեքենայից:

Փրկարարները սահամազատել են տարածքը և տուժածին մոտեցրել շտապօգնության ավտոմեքենային: Մ.Ա.-ը հոսպիտալացվել է «Աստղիկ» ԲԿ, որտեղ բժիշկները տուժածի վիճակը գնահատել են միջին ծանրության: