Armsport.am-ը գրում է․
Ֆրանսիայի հավաքականի կազմում աշխարհի և Եվրոպայի չեմպիոն, հայազգի Յուրի Ջորկաեֆն այս օրերին Հայաստանում է։
Լեգենդար ֆուտբոլիստը հատուկ հյուրի կարգավիճակով Վանաձորում մասնակցել է «Հայաստան – Ինժեներական շաբաթ» խորագրով միջոցառմանը։
Ջորկաեֆը հանդիպել է «Լոռիի» պատանեկան թիմի խաղացողներին ու ֆուտբոլ խաղացել նրանց հետ։
Նշենք՝ միջոցառմանն աշխարհի տարբեր երկրների պետական, գիտահետազոտական, կրթական կազմակերպություններից, նորաստեղծ և կայացած ինժեներական ընկերություններից շուրջ 500 ներկայացուցիչ է մասնակցել։