Կարծում եմ՝ հայերը լարվածություն են զգում Թուրքիայում. Էնդրյու Բրանսոն
07:30 , 28 հունիս, 2019Operativ.am-ը գրում է․
Ամերիկացի քահանա Էնդրյու Բրանսոնը հայտարարել է, որ Թուրքիայի նախագահ Ռեջեփ Էրդողանի ռեժիմը թշնամաբար է տրամադրված քրիստոնյաների նկատմամբ: Բրանսոնին ձերբակալել էին Թուրքիայում, ավելի ուշ նրան վերադարձրել էին ԱՄՆ դիվանագիտական սկանդալից հետո:
Նրա խոսքով՝ թուրքերի մեծ մասն իրենց մուսուլման է համարում, սակայն Էրդողանի ռեժիմն իսկապես «կրակի վրա յուղ է լցնում»:
«Կարծում եմ՝ քրիստոնեական խմբերը՝ հայերը եւ մյուսները, լարվածություն են զգում Թուրքիայում»,- ասել է Բրանսոնը միջազգային կրոնական ազատությունների հարցերով ԱՄՆ հանձնաժողովի կազմակերպած լսումների ընթացքում: