Բրեդ Փիթը չի մեկնի Բրազիլիա՝ մասնակցելու «Z աշխարհների պատերազմը» ֆիլմի պրեմիերային

Paramount Pictures ընկերությունը չեղյալ է հայտարարել «Z աշխարհների պատերազմը» (World War Z) ֆիլմի պրեմիերայի շքեղ շնորհանդեսը Բրազիլիայի Սան Պաոլո քաղաքում, հայտնում է ITAR-TASS-ը: 

Կինոստուդիայի ներկայացուցիչները հայտարարել են, որ «վերջին իրադարձությունների ֆոնին» իրենք չեն կազմակերպի շքեղ արարողություն «աստղերի ժամանմամբ ու կարմիր գորգով»: 

Դրանով իսկ, ըստ կորպորացիայի ներկայացուցիչների, ֆիլմի ստեղծագործական թիմը «հարգանք կդրսևորի Բրազիլիայի ժողովրդի նկատմամբ»: 

Արդեն հաստատվել է, որ Սան Պաոլո չի թռչի դերասան Բրեդ Փիթը, ով ֆիլմում մարմնավորում է գլխավոր դերակատարին, ինչպես նաև՝ ռեժիսոր Մարկ Ֆոսթերը: 

Այդուհանդերձ, ֆիլմը Բրազիլիայի կինոթատրոններում կցուցադրվի հունիսի 27-ից: