Բրիտանացին տրակտորով արագության նոր ռեկորդ է սահմանել

Բրիտանացի ավտոմրցարշավորդ Գայ Մարտինը տրակտորի վարման արագության նոր ռեկորդ է սահմանել: Այս փաստը արձանագրվել է Գինեսի ռեկորդների գրքում՝ հաղորդում է Motor1-ը:

Մարտինը JCB Fastrac գյուղատնտեսական տրակտորը վարել է մինչև 167 կմ / ժ արագությամբ: Այս տեսակի տեխնոլոգիայի նախորդ ռեկորդը եղել է ընդամենը 140,4 կմ / ժ: Այն սահմանվել էր 2018 թվականին Top Gear թիմի անդամի կողմից: