Aysor.am-ը գրում է.
Վարչապետ Նիկոլ Փաշինյանի գլխավորությամբ հունիսի 24-ին տեղի է ունեցել Անվտանգության խորհրդի հերթական նիստը, որի ժամանակ հնչել է վարչապետի «Հայաստանի շուրջ անվտանգային միջավայրը ոչ միայն չի լիցքաթափվել, այլև հակառակը, որոշակի գործընթացներ են տեղի ունենում մեր միջավայրում, որոնք մեզ ստիպում են ավելի աչալուրջ լինել մեր անվտանգային մարտահրավերների հարցում» թեզը:
Վերլուծաբան Ռոզի Միքայելյանը թեմայի շուրջ Aysor.am-ի հետ զրույցում նշեց.
«Այո՛, աչալուրջ պետք է լինել: Ոչ մեկի համար նորություն կամ գաղտնիք չէ, որ ՀՀ երկու սահմանները փակ են, ու բարդ չէ պատկերացնել նաև, որ Իրան-ԱՄՆ, Վրաստան-Ռուսաստան հարաբերությունների առավել սրման դեպքում մենք կունենանք 4 փակ սահման: Բայց աչալրջությունը բացի պրոտոկոլային հայտարարություններից, պետք է ունենա հստակ քայլերով ուղղորդում: Բայց ինչպես վերջերս շատ հաճախ է պատահում, վարչապետի հայտարարությունները ոչ թե պատասխանում են հարցերի, այլ նոր հարցերի առիթ են տալիս: Հետևաբար հարց է առաջանում. իսկ ի՞նչ է արվում այս ուղղությամբ»:
Վերլուծաբանն առաջարկում է լարվածության կողմերի հետ տարբեր խողովակներով անցկացնել խորհրադատվություններ: Նրա խոսքով. «պետք է սկսել դաշնակից երկրից՝ Ռուսաստանից, հաշվի առնելով այն հանգամանքը, որ անվտանգային միջավայրի մարտահրավերների պարագայում պետք է հուսալ դաշնակցի կողմից աջակցություն:
Ինչ վերաբերում է Վրաստանին, ապա այստեղ էլ անելիքներ ունենք: Պետք է տեղում հասկանալ, թե Թուրքիան ու Ադրբեջանն այս ամենից ինչ օգուտներ են փորձում քաղել»:
Ամբողջական հոդվածը կարող եք կարդալ այստեղ