«Փաստ». «Վեթինգային» դրամաշնորհ՝ Եվրոպայից. առաջիկայում ԵՄ-ից մոտ 17 մլն դոլար է տրամադրվելու դատաիրավական համակարգում բարեփոխումներն ապահովելու համար
11:00 , 21 հունիս, 2019««Փաստ» թերթի տեղեկություններով՝ առաջիկայում ԵՄ-ից մոտ 17 մլն դոլար է տրամադրվելու դատաիրավական համակարգում բարեփոխումներն ապահովելու համար: Կառավարության աղբյուրի փոխանցմամբ, վեթինգի ու անցումային արդարադատության հետ կապված ձգձգումները պայմանավորված են այդ գումարի տրամադրման ուշացման փաստով:
Ըստ նույն տեղեկությունների, նշյալ ոլորտի բարեփոխումների ուղղությամբ հնարավոր է ևս 13 մլն դոլարի ներգրավում, չի բացառվում՝ շատ արտոնյալ վարկի տեսքով:
Մեր աղբյուրի փոխանցմամբ, հնարավոր է, որ այդ գումարների հաշվին նաև դատավորների աշխատավարձները բարձրացվեն:
Ի դեպ, երեկ ԱԺ-ում վարչապետ Նիկոլ Փաշինյանն ասել էր, որ ՀՀ-ում դատական իրապես անկախ համակարգ չենք կարող ունենալ՝ առանց դատավորների աշխատավարձը բարձրացնելու մինչև 2,5-3 միլիոն դրամ, բայց դա պետք է անել մեր միջազգային դոնոր գործընկերների աջակցությամբ»,-գրում է թերթը:
Նյութն ամբողջությամբ կարդացեք թերթի այսօրվա համարում: