«Ժողովուրդ». «Իմ քայլը»-ում դժգոհ են Զոհրաբ Մնացականյանի աշխատանքից. համարում են, որ նա «թավշյա» նախարար չէ
09:40 , 21 հունիս, 2019«Արդարադատության նախարար Արտակ Զեյնալյանի հրաժարականից հետո սկսեցին շրջանառվել նաև կառավարության այլ անդամների անուններ, որոնց աշխատանքից «Իմ քայլը» խմբակցությունում դժգոհ են: Մասնավորապես, խմբակցության մի որրքշ հատվածը և, առավել ևս, արտաքին հարաբերությունների հանձնաժողովի անդամները դժգոհ են ՀՀ արտաքին գործերի նախարար Զոհրաբ Մնացականյանի աշխատանքից՝ նրան համարելով թույլ նախարար:
Այդ դժգոհությունների պատճառ է հանդիսացել նաև այն հանգամանքը, որ Զոհրաբ Մնացականյանը նոր չէ համակարգում, մտերիմ է նաև ՀՀ նախագահ Արմեն Սարգսյանի հետ, այսինքն՝ «թավշյա» նախարար չէ:
«Ժողովուրդ» օրաթերթը երեկ փորձեց տեղեկությունը ճշտել արտաքին հարաբերությունների հանձնաժողովի նախագահ Ռուբեն Ռուբինյանից, սակայն վերջինս, իր սովորության համաձայն, անօգուտ ջանքեր էր գործադրում ինֆորմացիայի աղբյուրն իմանալու և նոր դրանից հետո պատասխանելու համար: Հետո նահանջեց՝ ասելով, թե, օրինակ, ինքը դժգոհ չէ նախարարի աշխատանքից»,-գրում է թերթը:
Նյութն ամբողջությամբ կարդացեք թերթի այսօրվա համարում: