Մոսկվան հասկանում է շարժառիթները, որոնք դրդում են Թեհրանին այդ քայլին. Ռյաբկով
14:50 , 18 հունիս, 2019Yerkir.am-ը գրում է․
Երեկ հայտնել ենք, որ հունիսի վերջին Իրանը կգերազանցի միջուկային գործարքով նախատեսված` ցածր հարստացված ուրանի պաշարների առավելագույն թույլատրելի քանակը 300 կգ-ով: Այդ մասին հայտնել է Իրանի ատոմային էներգիայի հարցերով կազմակերպության ներկայացուցիչ Բեհրուզ Կամալվանդին:
ՌԴ ԱԳ նախարարի տեղակալ Սերգեյ Ռյաբկովն այսօր մեկնաբանել է Իրանի այդ քայլը` նշելով, որ Մոսկվան հասկանում է շարժառիթները, որոնք դրդում են Թեհրանին այդ քայլին:
Հիշեցնենք, որ ավելի վաղ Իրանը հայտարարեց ԱՄՆ-ի գործողությունների պատճառով իրանական միջուկային գործարքով նախատեսված մի քանի կետերի կատարումը դադարեցնելու մասին: