Հարավային Կորեայում դատարանը կնոջը դավաճանած ռեժիսորին թույլ չի տալիս ամուսնալուծվել
00:00 , 16 հունիս, 2019Հարավային Կորեայում դատարանը չի թույլատրել կնոջը դավաճանած տղամարդուն ամուսնալուծվել։ Նշվում է, որ ապահարզան կարող է պահանջել միայն տուժող կողմը, փոխանցում է AFP-ն։
Ռեժիսոր Հոնգ Սանգ Սունը ապահարզանի հայց է ներկայացրել դեռևս 2016-ին, երբ հանրությանը հայտնի դարձան դերասանուհի Կիմ Մին Հիի հետ նրա հարաբերությունները։
Ռեժիսորի կինը չի համաձայնել ամուսնալուծվել, ինչի պատճառով դատավարությունը մի քանի տարի է տևել։
Ուրբաթ Սեուլի դատարանը մերժել է Հոնգի միջնորդությունը։