«Ավարտին է մոտենում Նարեկ Մալյանին առևանգելու փորձի մեղադրանքով քրեական գործի նախաքննությունը». Տիգրան Աթանեսյան

17:06 , 14 հունիս, 2019
ՀՀ Քննչական կոմիտեի Կենտրոնի քննչական բաժնում ավարտին է մոտենում Նարեկ Մալյանին առևանգելու փորձի մեղադրանքով քրեական գործի նախաքննությունը: Տեղի են ունեցել առերեսումներ տուժողի և 6 մեղադրյալի միջև, կատարվել են այլ քննչական գործողություններ տուժող կողմի մասնակցությամբ: Ակնկալում ենք, որ իրավապահ համակարգը կլինի այս հարցում սկզբունքային և մեղավորները կկրեն համարժեք պատիժ՝ փաստացի ազատազրկման ձևով: Նման խայտառակ երևույթները, ինչպիսին է անձի վրա 10 հոգով հարձակվելը, բռնություն գործադրելը և առևանգելը, որոնց շարժառիթը միայն անձի հանրային և թափանցիկ գործունեությունն է, տեղ չպետք է ունենան մեր երկրում: Տուժող կողմին հայտնի ապացույցները թույլ են տալի վստահ լինելու, որ կայացվելու է մեղադրական դատավճիռ: