ՀՀ Ազգային ժողովի մշտական հանձնաժողովների համատեղ նիստում շարունակվում են «ՀՀ 2018 թ. պետական բյուջեի կատարման մասին» տարեկան հաշվետվության քննարկումները:
Այսօր ԱԺ տարածքային կառավարման և տեղական ինքնակառավարման, գյուղատնտեսության և բնապահպանության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստին զեկույցով հանդես կգան շրջակա միջավայրի նախարարը, տարածքային կառավարման և ենթակառուցվածքների նախարարը, Երևանի քաղաքապետը, մարզպետները:
Ժամը 14։00-ից կմեկնարկի ԱԺ գիտության, կրթության, մշակույթի, սփյուռքի, երիտասարդության և սպորտի հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստը, զեկուցողներն են ԿԳ նախարարը, ՀՌԱՀ նախագահը, հանրային հեռուստառադիոընկերության նախագահը, սփյուռքի հանձնակատարը։