Լոնդոնի դիզայներներից մեկը հատուկ ակնոցներ է ստեղծել ցածրահասակ մարդկանց համար (Photo)
22:30 , 11 հունիս, 2019Լոնդոնցի դիզայներ Դոմինիկ Ուիլկոքսն ստեղծել է ակնոցների մի քանի զույգ, որոնք օգնում են ցածրահասակ մարդկանց տեսնել, թե ինչ է կատարվում համերգների ժամանակ:
One Foot Taller ակնոցները թույլ են տալիս 30,5 սմ բարձր տեսնել:
Դիզայները պատմում է, թե ինչպես է եկել այս ակնոցները ստեղծելու գաղափարին.
«Մի անգամ՝ համերգներից մեկի ընթացքում, մի կնոջ նկատեցի, ով պարում, ուրախանում էր, սակայն ոչինչ չէր տեսնում: Հենց այդ պահին միտք ծագեց, որ կարող եմ ստեղծել այնպիսի ակնոց, որը թույլ կտա ավելին տեսնել:
Նորարարությունը դեռևս հնարավոր չէ գնել, սակայն այն արդեն հատուկ ցուցահանդեսում է ներկայացված:
