Երեւանի դպրոցներում անցաքարտային անվճար համակարգ կներդրվի

Երեւանյան դպրոցներն ավելի անվտանգ կլինեն:

Երեւանի 30 դպրոցներում պիլոտային ծրագրով մուտքը կդառնա անցաքարտերով արդեն նոր ուսումնական տարվա սկզբից: 
Քաղաքապետարանի հանրակրթության վարչության պետ Աննա Ստեփանյանը ներկայացնում է ծրագրի մի քանի մանրամասներ.

• Ծրագրի նպատակը երեխաների անվտանգության ապահովումն է եւ օտար անձանց մուտքը դպրոց սահմանափակելը։ Յուրաքանչյուր երեխա ունենալու է անհատական անցաքարտ։
• Անցաքարտը վերահսկելու է երեխայի բացակայությունը, փախուստը դասաժամերից։ Աշակերտն այդ անցաքարտով է փաստելու իր մուտքն ու ելքը դպրոց։
• Անցաքարտերը միացված են լինելու ազդանշանային համակարգին եւ տագնապի դեպքում միանգամից անջատվելու են ազատ տեղաշարժը չխոչընդոտելու համար։
• Քաղաքապետարանը ծրագիրն իրականացնելու է ԱՆՎՃԱՐ։ Գումար չի գանձվելու ո՛չ դպրոցից, ո՛չ աշակերտների ծնողներից։ Վճարովի կլինեն միայն հավելյալ ծառայությունները՝ ըստ ծնողի ցանկության:

Մանրամասն՝ այստեղ։