Թե ինչպես սպանդարյանցիները դիմավորեցին Հենրիխ Մխիթարյանին (Photo, Video)
12:50 , 3 հունիս, 2019168.am-ը գրում է.
Շիրակի մարզի Սպանդարյան համայնքում վերաբացվեց 1980-ականներին կառուցված ֆուտբոլի մարզադաշտը: Վերակառուցված մարզադաշտը կկրի Հայաստանի հավաքականի ավագ Հենրիխ Մխիթարյանի հոր` «Արարատ» ֆուտբոլային թիմի հարձակվող Համլետ Մխիթարյանի անունը: Սպանդարյան համայնքի ղեկավար Ավետիք Մխիթարյանը լրագրողներին տեղեկացրեց, որ այդ որոշումը կայացրել է համայնքի ավագանին, իսկ նոր մարզադաշտ ունենալու ծրագրի իրականացմանն աջակցել է ՀՀ ԱԺ նախկին պատգամավոր Սամվել Ֆարմանյանը:
Համայնքի բնակիչները մեծ ոգևորությամբ դիմավորեցին մարզադաշտի բացմանը մասնակցելու համար ժամանած Հայաստանի հավաքականի ավագ, «Արսենալի» կիսապաշտպան Հենրիխ Մխիթարյանին։
