Պուտինը Սիմֆերոպոլի օդանավակայանին շնորհեց Հովհաննես Այվազովսկու անունը
20:00 , 31 մայիս, 2019Ռուսաստանի նախագահ Վլադիմիր Պուտինը Սիմֆերոպոլի օդանավակայանին շնորհել է աշխարհահռչակ ծովանկարիչ Հովհաննես Այվազովսկու անունը: Համապատասխան հրամանագիրը հարպարակված է իրավական տեղեկատվության պաշտոնական ինտերնետ-պորտալում, տեղեկացնում է «Արմենպրես»-ը:
«Որոշում եմ հայրենիքի հանդեպ առանձնահատուկ վաստակ ունեցող անձանց անունները շնորհել հետեւյալ օդանավակայաններին՝… Սիմֆերոպոլի միջազգային օդանավակայանին՝ Հ.Կ. Այվազովսկու անունը»,- ասված է փաստաթղթում: Համապատասխան հրամանագիրն ուժի մեջ է մտնում դրա ստորագրման օրվանից՝ մայիսի 31-ից, հաղորդել է ՌԻԱ Նովոստին: