Ամերիկյան Apple ընկերությունը վերջին չորս տարիների ընթացքում առաջին անգամ նոր iPod Touch է ներկայացրել, ասվում է ընկերության հաղորդագրությունում:
Նոր փլեյերը հագեցած է 4 դյույմանոց Retina էկրանով և 256 Գբ ծավալով մարտկոցով, ինչպես նաև A10 Fusion պրոցեսորով:
Նշվում է, որ նախորդ մոդելի համեմատ iPod-ի արտադրողականությունը կրկնակի աճել է: Փլեյերը պատմության մեջ առաջին անգամ ունի ընդլայնված իրականության (AR) և FaceTime խմբային տեսազանգերի աջակցություն: Ավելին՝ օգտվողները կկարողանան մուտք գործել Apple Arcade խաղերի ծառայություն, որի թողարկումը կլինի աշնանը:
Նոր iPod-ները հնարավոր կլինի ձեռք բերել 32, 128 և 256 Գբ հիշողությամբ, սարքը հասանելի է վեց գույներով: