Գեյշան կանացիության ընդունված էտալոններից մեկն է ամբողջ աշխարհում։ Նրանք այս արվեստը սկսում են սովորել դեռ մանուկ հասակից և այդ ուսումը տևում է մի քանի տարի։ Գաղտնիքների մեծ մասը փոխանցվում է ուսուցչից աշակերտուհուն, սակայն այդ գաղտնիքների մի մասը ժամանակի ընթացքում դարձել է հասանելի, որը կփորձենք ներկայացնել ձեզ։
Խոսք
Գեյշայի խոսքը շատ լավ է հղկված։ Նրանց բառապաշարը շատ հարուստ է։ Ձայնը շատ նուրբ է և թավշյա։ Խոսակցությունը ճիշտ ուղով տանելու արվեստը նրանք սովորում են մի քանի տարի, սակայն մի քանի խոհուրդներ կօգնեն կարճ ժամանակահատվածում ստանալ նկատելի արդյունքներ։
Ձեռքեր
Գեյշաների ձեռքերը միշտ տեսանելի են և միևնույն ժամանակ հիմնական «աշխատանքային գործիքներից» մեկը։ Ձեռքերը միշտ պետք է խնամված լինեն։ Ավելին՝ որքան էլ տարօրինակ հնչի, պետք է կարողանաք ճիշտ օգտվել ձեր ձեռքերից։
Գիտելիք և տեղեկացվածություն
Մարդկանց հետ հեշտ շփվելու գեյշաների «գաղտնիքներից» մեկը հյուրի մասին նախօրոք տեղեկություններ հավաքելն էր։ Այսօր տեղեկություն հավաքելն ավելի հեշտ է դարձել․ հանդիպումից առաջ ուսումնասիրեք նրա սոցիալական ցանցերի էջերը և տեղեկություններ հավաքեք նրա մասին։ Մարդու մասին թեկուզ չնչին բան իմանալով դուք կարող եք հարաբերություններ ստեղծել և դրական իմիջ ձևավորել։
Մարմնի լեզու
Գեյշաները հիանալիորեն տիրապետում են մարմնի լեզվին, քանի որ այդ լեզվով հաճախ ավելի շատ բան է հնարավոր ասել, քան բառերով։