ԵՄ-ում հաստատել են ծխախոտի վաճառքի նոր կանոններ

Եվրամիության 27 անդամ երկրների առողջապահության նախարարները համաձայնեցրել են ծխախոտի վաճառքի նոր կանոնները, հաղորդում է RIA Novosti-ն:

Մասնավորապես, պայմանավորվածություն է ձեռք բերվել, որ առաջիկա երեք տարիներին ԵՄ պետություններում ամբողջությամբ կարգելվի բույրով ծխախոտների վաճառքը: Դրա հետ մեկտեղ որոշում է կայացվել չարգելել բարակ գլանակների վաճառքը, չնայած այն բանին, որ վերլուծաբանների կարծիքով` հենց այդ գլանակներն են ընդհանուր առմամբ ծխախոտի սպառումը մեծացնում:

Նախարարները նաև համաձայնության են եկել, որ տուփի վրա ծխախոտի վնասի մասին զգուշացումը կզբաղեցնի մակերեսի 65%-ը՝ այն կլինի տուփի երկու կողմում էլ:

Նոր կանոնները դեռևս պետք է հաստատվեն Եվրախորհրդարանի կողմից: