Դենի Վիտոյի երկրպագուները նրա համար առցանց ստորագրահավաք են նախաձեռնել
05:05 , 25 մայիս, 2019Կինոյի ֆանատների շրջանում գնալով տարածում է գտնում իրենց հերոսների համար առցանց ստորագրահավաք կամ նախագիծ անելը։ Վերջերս «Գահերի խաղը» սերիալի զայրացած երկրպագուները սերիալի վերջին սեզոնի ամբողջական վերանկարահանման պահանջով առցանց ստորագրահավաք էին սկսել։ Այն ստորագրել է արդեն ավելի քան մեկ միլիոն մարդ։
Իսկ հիմա կատակերգակ դերասան Դենի դե Վիտոյի երկրպագուներն են որոշել, որ նա պետք է խաղա Ռոսոմախի դերում, և ստորագրահավաք են սկսել․ այն արդեն ստորագրել է ավելի քան 27 հազար մարդ։
«Նա միակն է, որ կարող է ընդունել էստաֆետը Հյու Ջեքմանից։ Մենք հավատում ենք, որ եթե Ռոսոմախին տրված է հայտնվել Marvel-ի կինոտիեզերքում, նրա դերը պետք է խաղա Դենի դե Վիտոն»,- գրել է ստորագրահավաքի հեղինակը։