Դիետոլոգները նշել են, թե որ մթերքներն են ամենաօգտակարը

Աշխարհի տարբեր երկրների մի շարք դիետոլոգներ պատմել են, թե որ մթերքներն են համարվում ամենաօգտակարը։ Ըստ դիետոլոգների՝ այս մթերքները նպաստում են օրգանիզմի աշխատանքի կարգավորմանը և երկար տարիներ պահպանում են առողջությունը։

Ամենաօգտակար մթերքը ճանաչվել է կիտրոնը, որը համարվում է հզոր հակաօքսիդանտ։ Այն կարող է նվազեցնել արյան մեջ շաքարի մակարդակը, պայքարել բորբոքումների դեմ և պահպանել կապերի ճկունությունը։

Երկրորդ հորիզոնականում է հայտնվել սպիտակուցով և K, C և A վիտամիններով հարուստ բրոկոլին։

Սև շոկոլադը զբաղեցնում է երրորդ հորիզոնականը։ Մասնագետները նշում են, որ այն ոչ միայն կարող է կտրուկ բարձրացնել տրամադրությունը, այլ նաև օգտակար լինել ճնշման կտրուկ տատանումների ժամանակ։ Սակայն դիետոլոգները նշում են, որ շոկոլադը պետք է պատրաստված լինի բնական կակաոյից, առանց ճարպային հավելումների։

Կարտոֆիլը նույնպես հայտնվել է օգտակար մթերքների ցանկում։ Այս մթերքը հիմնականում կարևորվում է մեծ քանակությամբ սննդային մանրաթելերի և բարդ ածխաջրերի համար։

Օգտակար մթերքների ցանկը փակում է սաղմոնը։ Այս ձուկը խորհուրդ է տրվում մեծ քանակությամբ Օմեգա-3 տեսակի ճարպաթթու պարունակելու համար։ Սաղմոնի կանոնավոր օգտագործումը թույլ է տալիս խուսափել Ալցհեյմերի և ծերունական մի շարք այլ հիվանդություններից։