Դատավոր Բալայանին արգելել են մուտք գործել դատարան, նրա հասցեին վիրավորական արտահայտություններ են հնչեցրել (Video)

Վարչապետ Նիկոլ Փաշինյանի՝ դատարանների մուտքերն ու ելքերը փակելու կոչին հետևվող քաղաքացիներն արդեն փակել են Երևանի ընդհանուր իրավասության դատարանի ելքերն ու մուտքերը: Tert.am-ի թղթակցի փոխանցմամբ՝ դատավոր Դավիթ Բալայանը փորձել է մտնել դատարան, սակայն քաղաքացիներն արգելել են նրա մուտքը:

Դատավոր Բալայանը փորձել է դատարան մուտք գործել անցակետի պատուհանից, սակայն ընկել է:

Դավիթ Բաբայանն ասաց.«Դատարանի շենքի ելքն ու մուտքը փակողները, իրենց մուտքը դատարան խոչընդոտողները պատասխանատվության են ենթարկվելու և վերջ»:

Քաղաքացիները ոչ միայն խոչընդոտել են դատավորի մուտքը, այլ նաև նրա հասցեին վիրավորական արտահայտություններ են հնչեցնում:

Այստեղ է գտնվում նաև «Իմ քայլը» խմբակցության պատգամավոր Հրաչյա Հակոբյանը։