Spice Girls-ի սևամորթ երգչուհի Մելանի Բրաունը (Mel B) դիմել է բժիշկներին տեսողության ամբողջական կորստի պատճառով, գրում է The Sun-ը:
Պարբերականը պատմել է, որ Բրաունի տեսողության հետ կապված խնդիրները առաջ են եկել աչքերի վիրահատությունից հետո: Նշվում է, որ սկզբում երգչուհին դադարել է տեսնել ձախ աչքով, ապա նվազել է նաև աջ աչքի տեսողությունը:
«Ես ոչինչ չեմ տեսնում, ես ամբողջովին կուրացել եմ»,- երգչուհու խոսքերը մեջբերում է The Sun-ը:
Պարբերականի տվյալներով՝ նա դա ասել է, երբ օգնության համար դիմել է Moorfields Eye Hospital:
Ավելի վաղ Բրաունը հայտարարել էր, որ ինտիմ հարաբերություն է ունեցել Spice Girls-ի իր գործընկերուհու՝ Ջերի Հոլիվելի հետ: