Պուտինը նշել է, թե որն է ռուսական գլխավոր զենքը 21-րդ դարում (Photo)
13:19 , 18 մայիս, 2019Ռուսաստանի Դաշնության նախագահ Վլադիմիր Պուտինը Ռազմատիեզերական ուժերի զարգացմանը նվիրված խորհրդակցության ընթացքում առաջարկել է ուսումնասիրել «Պերեսվետ» լազերային զենքի և «Կինժալ» գերձայնային սարքավորման գործնական փորձարկումը՝ ընդգծելով, որ «զենքի հենց նման տեսակներն են 21-րդ դարում բնորոշելու ռուսական բանակի և նավատորմի ներուժը»:
«Դիտարկենք ռազմական նորագույն տեխնիկայի շահագործման առաջին գործնական արդյունքները, այդ թվում և «Պերեսվետ» լազերային զենքի և «Կինժալ» գերձայնային հրթիռային համակարգի», - Պուտինի խոսքը մեջբերում է Взгляд-ը:
ՌԴ առաջնորդն ընդգծել է, որ այդ նախագծերի համաժամանակյա իրագործումը խիստ կարևոր է, քանի որ հենց նման տեսակի զենքերն են առաջիկա տասնամյակում և ողջ 21-րդ դարի ընթացքում բնորոշելու ռուսական բանակի ներուժը:
Մարտին հաղորդվում էր, որ շուրջ 20 «Կինժալ» տեսակի ռուսական գերձայնային հրթիռներ, որոնցից ԱՄՆ-ն չի կարողանում արդյունավետ պաշտպանվել, տեղակայվել են ռազմակայանում հերթական փորձարկումներն իրականացնելու համար:
