Պաշտպանության բանակը վայրկյան անգամ չի տատանվելու և գործելու է անմնացորդ նվիրումով՝ անխախտ պահելով Արցախի սահմանները. Կարեն Աբրահամյան
14:50 , 9 մայիս, 2019Aysor.am-ը գրում է.
Արցախի Հանրապետության Պաշտպանության նախարար, Պաշտպանության բանակի հրամանատար գեներալ-մայոր Կարեն Աբրահամյանը շնորհավորական ուղերձ է հղել Եռատոնի կապակցությամբ, տեղեկացնում են ՊԲ լրատվական ծառայությունից։
«Հայրենական մեծ պատերազմի հարգարժան վետերաններ, Շուշիի թանկագին ազատարարներ, ՊԲ-ի ստեղծման ակունքներում կանգնած պատվարժան ազատամարտիկներ, սիրելի զինակիցներ:
Այսօր կրկին Եռատոն է: Անչափ խորհրդանշական մի տարեթիվ, որը հասցրել է ընդմիշտ ամրագրվել մեր ժողովրդի հաղթական տոնացույցի հերոսական էջերում՝ դառնալով հասարակության յուրաքանչյուր անդամի հոգին բերկրանքով լցնող տոներից մեկը: