Եթե Արցախի 2 նախագահ դիմել է, որպեսզի Ռ. Քոչարյանին թույլ տան մասնակցել Եռատոնին, պետք է հարգեին և նման որոշում կայացնեին. Վ. Բալասանյան
11:20 , 9 մայիս, 2019Tert.am-ը գրում է.
Եթե Արցախի երկու նախագահները՝ գործող և նախկին, դիմել են, որպեսզի Ռոբերտ Քոչարյանին թուլ տային մասնակցել Արցախում Մայիսյան եռատոնի միջոցառումներին, պետք է հարգերին այդ դիմումը և րոպե առաջ այդ որոշումը կայացնեին. Tert.am-ի հետ զրույցում ասաց ԼՂՀ Ազգային անվտանգության խորհրդի քարտուղար, Արցախի հերոս Վիտալի Բալասանյանը:
«Նրանց դիմումն այն չէր, որ ընդհանրապես քրեական գործի հետապնդումը կասեցնեին, նրանց հայտարարությունն այն էր, որ գոնե այս օրը, Հաղթանակի օրը բոլոր նախագահները ներկա գտնվեին, մասնակցեին մեր հաղթանակների տոնին: Ճիշտ չեն արել, ըստ իս, պետք է հարգեին երկու նախագահների հայտարարությունը»,-ասաց նա:
Դիտարկմանը, թե տեսակետներ կան, որ Արցախը ՀՀ ներքին գործերին է խառնվում, Վիտալի Բալասանյանը պատասխանեց, թե դա չի նշանակում, որ ներքին գործերին են խառնվում կամ սփյուռքահայության ներին գործերին են խառնվում։ «Մենք ժամանակին ասել ենք, որ ունենք հայկական երկու հանրապետություն՝ մեկ հայրենիք, դա մեր ամբողջական հայրենիքն է, ինչի՞ մասին է խոսքը»,-ասաց նա:
Վիտալի Բալասանյանը նշեց, որ Մայիսյան եռատոնին Ռոբերտ Քոչարյանին մասնակցել թույլ տալով կարելի էր հենց այս օրը սկիզբ դնել հայերի միասնականությանը և շարունակել ձեռքբերումները:
Ամբողջական հոդվածը կարող եք կարդալ այստեղ