Tert.am-ը գրում է.
Արցախի նախագահ Բակո Սահակյանին, ինչպես նաև Արցախի նախկին նախագահ Արկադի Ղուկասյանին նրանց խորհրդատուները պետք է ճիշտ խորհուրդներ տան։ Այս մասին իր պաշտոնավարման մեկ տարին ամփոփող մամուլի ասուլիսի ժամանակ հայտարարեց վարչապետ Նիկոլ Փաշինյանը՝ խոսելով ՀՀ երկրորդ նախագահ Ռոբերտ Քոչարյանի խափանման միջոցը փոխելու վերաբերյալ Բակո Սահակյանի և Արկադի Ղուկասյանի նամակի մասին:
«Կարծում եմ, որ Արցախի նախագահի իրավախորհրդատուները պետք է ճիշտ խորհուրդներ տան: Գործն ուղարկվել է դատարան, այն գլխավոր դատախազի տիրույթում չէ: Եթե գլխավոր դատախազը նույնիսկ շատ ուզենա չի կարող այս հարցը լուծել: Ճիշտ չէ Արցախի երկու նախկին նախագահների համար հասցեագրել դիմում մի տեղ, որն իրենց իրավազորության ներքո չէ»,- ասաց Փաշինյանը:
Վարչապետը նշեց, որ ընկերական հարաբերություններ կան, Ռոբերտ Քոչարյանը եղել է Արցախի առաջին նախագահը ու կա մարդկային գործոն, բայց «հարցեր ծագում են»:
Ամբողջական հոդվածը կարող եք կարդալ այստեղ