Թուրքիայի ԱԳՆ-ն քննադատել է Ֆրանսիայի և Եվրոպայի հայտարարությունները
15:40 , 8 մայիս, 2019Yerkir.am-ը գրում է.
Թուրքիայի Արտաքին գործերի նախարարությունը Կիպրոս կղզու արևմտյան ջրերում Թուրքիայի հորատման աշխատանքների կապակցությամբ Ֆրանսիայի և ԵՄ արտաքին քաղաքականության պատասխանատու Ֆեդերիկա Մոգերինիի քննադատությունների վերաբերյալ հայտարարություն է տարածել, նշելով որ չեն ընդունում Թուրքիայի` սեփական տարածքում հորատման աշխատանքների վերաբերյալ քննադատությունը. – հաղորդում է «Անադոլու» գործակալությունը:
Թուրքիան նաև դատապարտել է ԱՄՆ-ի քննադատությունը Կիպրոսի ջրերում Թուրքիայի գործունեության վերաբերյալ:
Նշենք, որ Թուրքիան մայիսի 4-ից Կիպրոսի հատուկ տնտեսական գոտում սկսել էր իրականացնել գազի և նավթի որոնման աշխատանքներ, ինչը հարուցել էր միջազգային հանրության դժգոհությունը: