Կանադայում Բրիտանական Կոլումբիա նահանգի գերագույն դատարանը տղամարդուն մեղավոր է ճանաչել «ընտանեկան բռնության» մեջ, քանի որ նա հրաժարվել է իրեն տրանսգենդեր համարող 14-ամյա դստերը արական սեռով դիմել: Այս մասին հաղորդում է Breitbart պարբերականը:
Դատարանը կարող է տղամարդուն ձերբակալելու վճիռ կայացնել, եթե նա շարունակի իգական սեռով դիմել դստերը և դեմ արտահայտվի նրա ընտրած թերապիային՝ տեստոստերոնի ներարկումներին:
Նշվում է, որ դատավորին վրդովեցրել է հոր՝ դստեր խնդիրների մասին մամուլի հետ հաղորդակցվելու ցանկությունը և հարցազրույցում նրա իգական սեռին պատկանելը պնդելը: Դատարանը նման պահվածքը երեխայի վրա ճնշում է համարել:
Հունվարին ԱՄՆ գերագույն դատարանը որոշել է, որ Սպիտակ տան ղեկավար Դոնալդ Թրամփը կարող է արգելել տրանսգենդեր անձանց բանակում ծառայելը: Նախագահի վարչակազմը պնդում է, որ նման խմբերը «զգալի վտանգ են ներկայացնում զինված ուժերի արդյունավետության համար», բայց «որոշակի հանգամանքներում կարող են բացառություններ արվել»: