Ադրբեջանն ամեն բան անում է իր երկու դիվերսանտներին հետ տանելու համար. Թևան Պողոսյան
17:40 , 2 մայիս, 2019Yerkir.am-ը գրում է.
Պետք է հասկանանք, որ թշնամին չի փոխվել, նույնն է. Թուրքիան 10 տարի առաջ էլ, այժմ էլ, նույնն է, ու եթե ձեռքին ճար լիներ, այժմ էլ նույն կերպ կվարվեր: Այս մասին այսօր լրագրողների հետ զրույցում ասաց «Հանուն կայուն մարդկային զարգման» կենտրոնի տնօրեն Թևան Պողոսյանը:
«Ի՞նչ էր տեղի ունենում 4-5 տարի առաջ. ամեն անգամ, երբ Հայաստանում կարևոր բան էր տեղի ունենում, սահմանին իրավիճակը լարվում էր, մեր հարևանները սկսում էին կրակել: Նույն իրավիճակը այժմ էլ շարունակվում է, և օրերս սահմանին վիրավորում ստացած զինվորի փաստը նաև դրա ապացույցն է: Չէ՞ որ այս օրերին Հայաստանում մեկնարկել էր ԵԱՏՄ անդամ պետությունների կառավարությունների ղեկավարների միջկառավարական հանձնաժողովի խորհրդի նիստը»,- նշեց նա:
Բանախոսն ուշադրություն հրավիրեց ՌԴ արտաքին գործերի նախարար Սերգեյ Լավրովի` օրեր առաջ արած հայտարարությանը` կապված գերիների փոխանակման հարցում առաջարկած «Բոլորի բոլորի դեմ» սկզբունքի հետ:
«Դա կոնկրետ մեսիջ է, ու մենք հստակ գիտենք, որ այսօր Ադրբեջանն օգտագործում է ցանկացած առիթ իր երկու դիվերսանտներին հետ տանելու համար: Նրան ոչ մի այլ բան չի հետաքրքրում»,- ասաց Թևան Պողոսյանը: