Պիզելին այսօր կմիանա Ակտոբեին
13:30 , 30 ապրիլ, 2019Armsport.am-ը գրում է.
Ղազախստանի Պրեմիեր-լիգա-2018-ի լավագույն ռմբարկու ու ֆուտբոլիստ Մարկոս Պիզելին վերադառնում է «Ակտոբե»:
Ղազախական ակումբի մամուլի քարտուղարությունը հայտնում է, որ Հայաստանի հավաքականի ֆուտբոլիստն արդեն այսօր` ապրիլի 30-ին, Սան Պաուլուից կմեկնի Ղազախստան ու կմիանա իր թիմին:
Պիզելին վերականգնումը կշարունակի «Ակտոբեի» մարզչական շտաբի գլխավորությամբ:
Հիշեցնենք` Պիզելին խաչաձև կապանների վնասվածք էր ստացել ու հաջողությամբ վիրահատվել Բրազիլիայում: Ավելի վաղ հայտնել էինք, որ Մարկոսի վերականգնումը սպասվածից ավելի արագ է ընթանում ու, ամենայն հավանականությամբ, նա կկարողանա մասնակցել Հայաստանի հավաքականի` սեպտեմբերին կայանալիք խաղերին: