ՄԱԿ-ում պատասխանել են զենքի վաճառքի վերաբերյալ Թրամփի որոշմանը


15:00 , 27 ապրիլ, 2019

ՄԱԿ-ի գլխավոր քարտուղար Անտոնիու Գուտերեշը Զենքի վաճառքի միջազգային պայմանագիրն անվանել է տվյալ ոլորտում վերահսկողության գլոբալ գործիքամիջոց։ Այս մասին նա հայտարարել է ի պատասխան համաձայնագրից դուրս գալու ԱՄՆ նախագահ Դոնալդ Թրամփի որոշման։

Գուտերեշը պայմանագիրը զգալի ձեռքբերում է անվանել՝ զենք վաճառելու շրջանակում պատասխանատվությունն ապահովելու համար։

Գլխավոր քարտուղարի կարծիքով՝ դա հատկապես կարևոր է ներկայում, երբ մենք տեսնում ենք աճող միջազգային լարվածություն և զինանոցների մոդեռնիզացման նկատմամբ հետաքրքրության ընդլայնում։