Եվս մեկ քայլ՝ դեպի չեմպիոնություն. Լիվերպուլը փայլուն հաղթանակ տարավ Հադերսֆիլդի նկատմամբ (Video)
03:30 , 27 ապրիլ, 2019Armsport.am-ը գրում է․
Անգլիայի Պրեմիեր լիգայի 36-րդ տուրում «Լիվերպուլը» «Էնֆիլդում» 5 անպատասխան գնդակ ուղարկեց «Հադերսֆիլդի» դարպասը:
Հանդիպման հաշիվը բացվեց 15-րդ վայրկյանին: «Լիվերպուլի» ամենաարագ գոլն ԱՊԼ-ում խփեց Նաբի Կեյտան: Բացի դա, 24-ամյա գվինեացու գոլը 100-րդն էր «Լիվերպուլի» համար ընթացիկ մրցաշրջանում:
23-րդ րոպեին Սադիո Մանեն կրկնապատկեց «մերսիսայդցիների» առավելությունը:
Խաղակեսի ավարտից առաջ Մոհամեդ Սալահը հաշիվը դարձրեց խոշոր: Երկրորդ խաղակեսում Մանեն և Սալահը կրկին աչքի ընկան գոլով:
Սալահը 21 գոլով գլխավորեց ռմբարկուների ցուցակը: Երկրորդ տեղում 20 գոլով Սադիո Մանեն է: Լավագույն եռյակը եզրափակում է «քաղաքաբնակների» հարձակվող Սերխիո Ագուերոն: Արգենտինացու ակտիվում գրանցված կա 19 գոլ:
Ամբողջական հոդվածը կարող եք կարդալ այստեղ։