ՀՀ նախագահի նստավայրը կանվանակոչվի «Հանրապետության տուն»


15:10 , 20 ապրիլ, 2019

Երևանի ավագանու ապրիլի 23-ի նիստի օրակարգային հարցերից մեկով առաջարկվում է Հանրապետության նախագահի նստավայրն անվանակոչել «Հանրապետության տուն»:

«Ղեկավարվելով «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 23-րդ կետի դրույթներով, Հայաստանի Հանրապետության կառավարության 2005 թվականի դեկտեմբերի 29-ի հ.2387-Ն որոշմամբ հաստատված կարգի 4-րդ կետով՝ Երևան քաղաքի ավագանին որոշում է.

1. Երեւան քաղաքի Մարշալ Բաղրամյան պողոտայի հ.26/1 հասցեում գտնվող Հանրապետության նախագահի նստավայրը անվանակոչել «Հանրապետության տուն» անվանումով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից»,- ասվում է որոշման նախագծում: