Yerkir.am-ը գրում է․
Բելառուսի ԱԳՆ-ի պաշտոնական ներկայացուցիչ Անատոլի Գլազը հայտարարել է, որ Մինսկում ՌԴ դեսպան Միխայիլ Բաբիչը ոչնչացնում է երկու երկրների միջև հարաբերությունները: Նրան մեջբերում է Բելառուսի ԱԳՆ մամուլի ծառայությունը:
Ըստ նրա` դա չհաջողվեց արտաքին ուժերին, սակայն հաջող և արդյունավետ կերպով հաջողվում է Բաբիչին:
Գլազը հերթական անգամ ընդգծել է, որ Բելառուսն ինքնիշխան, անկախ պետություն է:
«Պարոն դեսպանը բացարձակապես չի տեսնում ոչ մի տարբերություն ռուսական դաշնային շրջանի, որտեղ նա, մեզ պատմել են, սիրում էր հրամաններ տալ, և անկախ պետության միջև»,- ասել է նա: