«Մենք խնայողություններ ենք անում, հետո կաթիլ-կաթիլ տնտեսածը 124 մլն դրամով հանում ենք, որպես ի՞նչ, որ ինչ-որ մարդիկ գնան ռեստորաններում քեֆի՞». Արա Պապյան
14:20 , 20 ապրիլ, 2019168.am-ը գրում է․
«Մոդուս Վիվենդի» կենտրոնի ղեկավար, քաղաքագետ Արա Պապյանի խոսքով՝ Քաղաքացու օր պետք է լիներ այն ժամանակ, երբ լիներ քաղաքացի, այսինքն՝ լիներ այնպիսի հասարակություն, որտեղ մարդու իրավունքներն իսկապես հարգված են, և որոշողն էլ լիներ քաղաքացին։
«Ինչպե՞ս կարելի է մեկ տարի հետո Քաղաքացու օր նշել, հատկապես, որ այդ իշխանությունն ինքն է գնահատական տալիս իրեն։ Թող սպասեին, անցներ որոշ ժամանակ, եթե ժողովուրդը համարեր այդ օրը կարևորագույն՝ ինքը կնշեր։ Ամեն մարդ կարող է նշել՝ ինչ ուզում է, բայց պետականացնել, որպես պետական տոն, հայտարարել, որ այն անկախությունից հետո երկրորդ կարևոր տոնն է, և դրա համար պետական բյուջեից փող հատկացնել՝ ճիշտ չէ։ Որպես հարկատու չեմ ուզում, թող հաշվեն՝ 3 մլն մարդ է ապրում, այդ 124 մլն դրամը բաժանեն նրանց միջև և բոլորին բաժանեն իրենց հասանելիք մի քանի հարյուր դրամը։ Ինչո՞ւ իմ մի քանի հարյուր դրամը պետք է ծախսվի ինչ-որ բաների վրա, որը ես չեմ ուզում»,- հավելեց քաղաքագետը։
Մանրամասները՝ 168.am-ի տեսանյութում