Ինչո՞ւ են թոքերի քաղցկեղից ավելի հաճախ մահանում չծխող մարդիկ
20:00 , 17 ապրիլ, 2019Ոչ ոք չի ժխտում, որ ծխելը հանգեցնում է թոքերի քաղցկեղի: Վիճակագրությունն, իրոք, ցույց է տալիս, որ թոքերի ուռուցքների բոլոր դեպքերի 85-93%-ի պատճառը ծխելն է: Այնուամենայնիվ, վերջին տարիներին չծխողների շրջանում թոքերի ուռուցքների թիվը զգալիորեն աճել է: Օրինակ՝ Մեծ Բրիտանիայում 7 տարում այն կրկնապատկվել է:
Փորձագետները շեշտում են, որ չծխողների մոտ թոքերի քաղցկեղը սովորաբար հայտնաբերվում է ավելի ուշ փուլերում, քանի որ ոչ ոք չի ենթադրում ծխողների հիվանդության առկայությունն այս կատեգորիայի մարդկանց շրջանում: Բացի դրանից՝ նրանց մոտ գրեթե չեն արտահայտվում ծխողների թոքերի քաղցկեղի դասական ախտանիշները, ինչպիսիք են կրծքավանդակի ցավը կամ արյունով հազը: Բայց ի՞նչն է հանդիսանում նման չարորակ նորագոյացությունների առաջացման պատճառը մարդկանց մոտ, որոնք երբևէ չեն դիպել ծխախոտի:
Կա տեսություն, ըստ որի՝ չծխողների շրջանում թոքերի ուռուցքների առաջացման պատճառ են հանդիսանում, այսպես կոչված, անկայուն օրգանական բաղադրիչները, որոնք անջատվում են կոսմետիկ միջոցների օգտագործման և սնունդ պատրաստելու ժամանակ: Հենց այս պատճառով է, որ թոքերի քաղցկեղն ավելի հաճախ հանդիպում է չծխող կանանց, քան տղամարդկանց մոտ: Այս բաղադրիչները օդի հետ ներթափանցում են թոքեր և վնասում բջիջները: Դրանք պարունակվում են բազմաթիվ ապրանքների՝ ներառյալ ներկերի, օդը թարմացնող նյութերի և մաքրող միջոցներ մեջ:
Մեկ այլ տեսությամբ ենթադրվում է, որ, ընդհանուր առմամբ, վնասակար օդը թոքերի ուռուցքային հիվանդություններ է առաջացնում:
