Բրիտանացի դեռահասներին կարգելեն «like»-ել սոցցանցերում
22:15 , 16 ապրիլ, 2019Մեծ Բրիտանիայի իշխանություններն օրինագիծ են նախապատրաստում, որի նպատակը համացանցում դեռահասների պաշտպանությունն է։ Դրա առանցքային դրույթը 18 տարին չլրացած անձանց համար հավանումները, ինչպես նաև հրապարակումներով կիսվելն արգելելն է։ Այս մասին գրում է The Times-ը։
Խոսքը նախևառաջ Facebook-ին և Instagram-ին է վերաբերում։ Սոցցանցերը ևս կզրկվեն անչափահաս օգտատերերի անձնական տվյալներով կիսվելու և դրանք կոմերցիոն նպատակներով օգտագործելու հնարավորությունից։ Դեռահասների տեղաշարժին հետևելը ևս կարգելվի։ Իրավախախտ ընկերությունը կտուգանվի տարեկան շրջանառության 4 տոկոսի չափով։
Այդպիսի միջոցառումներ ցանկանում են սահմանել պատգամավորների և հասարակական գործիչների՝ տեխնիկական ընկերություններին քննադատելուց հետո։