Փարիզի Աստվածամոր տաճարի վերականգնման համար նվազագույնը 10 տարի կպահանջվի
01:45 , 16 ապրիլ, 2019Հրդեհից հետո Փարիզի Աստվածամոր տաճարի վերականգնման համար առնվազն տասը տարի կպահանջվի, հոգաբարձուների ներկայացուցիչ Միշել Պիկոյի հայտարարությունը փոխանցում է ՌԻԱ Նովոստին:
«Անցյալ տարի մենք սկսել ենք տասը տարվա համար նախատեսված վերականգնման ծրագիրը: Հաշվի առնելով այսօր տեղի ունեցած ավերածությունը, վերականգնումն, իմ կարծիքով, առնվազն 10 տարի կտևի՝ կրկնապատկված ջանքերով»,- ասել է նա:
Բացի դրանից, ըստ նրա, Նոտր Դամի զանգը կարող է ընկնել, եթե հրդեհի տարածումը չկանխվի:
Հաղորդվել է նաև, որ Փարիզի Աստվածամոր տաճարի գանձարանը, հավանաբար, հրդեհից չի տուժել: