Եվրոպայի ջրհեղեղների ժամանակ խորտակված մեքենաները կարող են ներկրվել Հայաստան

14:07 , 18 հունիս, 2013

Վերջերս բոլոր լուրերով տեսնում էին, թե ինչ խոշոր վնասներ էր պատճառել Եվրոպայում տեղի ունեցած ջրհեղեղների շղթան: Էկրաններից մենք տեսնում էինք խորտակված քաղաքներ, տներ ու … մեքենաներ: Իսկ հիմա մեր «աչքալուսանքը». ըստ երևույթին, այդ խորտակված մեքենաների մեծ մասը կվերանորոգվի, կհարդարվի և կհանվի վաճառքի: Սա իհարկե նորմալ է, առավել ևս, որ Եվրոպայում նման մեքենաները վաճառվում են գրոշներով, անգամ ինքնարժեքից ցածր, բայց ինչպես բազմիցս է եղել հետխորհրդային տարածքում և Հայաստանում ևս, նման գրոշներով գնված ու դեֆեկտներով մեքենաները, հասնելով նույն Հայաստան, արդեն վաճառքի են հանվում շուկայական գներով, ու ոչ մի խոսք չի ասվում նրանց «կենսագրության» ջրասույզ հատվածի մասին: Այնպես որ, զգուշացեք, եթե որոշել եք Եվրոպայից վերջերս ներկրված մեքենա գնել: