«Փաստ». Վիճակագրական տվյալներն ու «տնտեսական հեղափոխությունը». Ավինյանի հետ համաձայնեցվե­լուց հետո են հրապարակվում ՎԿ «պաշտոնական» թվերը

09:30 , 6 ապրիլ, 2019
««Փաստ» թերթի տեղեկություններով՝ վերջին շրջանում վարչապետ Նիկոլ Փաշինյանին սկսել են անհանգստացնել վիճակագրական կոմիտեի հրապարակած տվյալները: 

Կառավարության մեր աղբյուրի փոխանցմամբ, ՎԿ ղեկավար Ստեփան Մնացականյանին ավելի ու ավելի հաճախակի են տեսնում կառավարության թիվ մեկ մասնա­շենքում՝ փոխվարչապետ Տիգրան Ավինյանի հետ կոնսուլտացիաներ անելիս: 

Ըստ տեղեկությունների՝ սա արվում է անձամբ վարչապետի հրահանգով: Լուրեր կան, որ հենց Ավինյանի հետ համաձայնեցնե­լուց հետո է միայն Մնացականյանը հրապարակում «պաշտոնական» տվյալները: Ըստ նույն աղբյուրների՝ Փաշինյանը հանձնարարել է, որ առանց համաձայնեցնելու որևէ թիվ չհրապարակեն: 

Սակայն դա ոչ այնքան թվեր «նկարելու» համար է, որքան բացասական և դրա­կան ցուցանիշները համադրելու և հանրությանը «տնտեսական հե­ղափոխության» շրջանակում պատշաճ մատուցելու համար: 

Ի դեպ, առաջին եռամսյակում ունեցել ենք փաստացի գնաճ, ինչը «տնտեսական հեղափոխության» չափանիշներին միանշանակ չի համապատասխանում: Հենց դրա համար էլ վերջին օրերին պարբե­րաբար հրապարակ են նետվում դրական ցուցանիշներ»,-գրում է թերթը:

Նյութն ամբողջությամբ կարդացեք թերթի այսօրվա համարում: