Amazon-ի ղեկավարը բաժանվել է կնոջից և պահպանել ընկերության բաժնետոմսերի 75%-ը
20:20 , 5 ապրիլ, 2019Amazon-ի ղեկավար Ջեֆ Բեզոսի ամուսնալուծման գործընթացն ավարտվել է: Այս մասին Twitter-ի իր էջում հաղորդել է նրա կինը՝ Մակենզի Բեզոսը:
Նա հույս է հայտնել, որ ամուսնու հետ կկարողանան լավ հարաբերություններ պահպանել:
Բեզոսի խոսքերով՝ նրա ամուսինը կպահպանի Amazon-ի բաժնետոմսերի 75%-ը և որոշիչ ազդեցությունը քվեարկության գործընթացում:
«Ես սպասում եմ իմ սեփական պլանների իրականացմանը: Ապագային սպասելով, ես երախտագիտություն եմ հայտնում անցյալի համար»,- գրել է Մակենզի Բեզոսը: