Որ ասում ենք պետական կառավարման համակարգում լիքը պարապ մարդ կա, ասում եք չէ. Փաշինյան
14:10 , 4 ապրիլ, 2019Panorama.am-ը գրում է․
Գործադիրի նիստում վարչապետ Նիկոլ Փաշինյանն անդրադարձավ նպաստների ուշացմանը և Աշխատանքի և սոցիալական հարցերի նախարար Զարուհի Բաթոյանից հետաքրքրվեց, թե արդյոք այդ հարցը լուծել են:
Նախարարն ասաց, որ նպաստաների ուշացման խնդիրը մի քանի պատճառ ունի, տեխնիկական գործընթացների հետ է կապված:
«Վճարման ցուցակների կազմման աշխատանքները կատարվել են սահմանված ժամկետներում, սակայն մեր ունեցած տեղեկություններով մի փուլում տեխնիկական խնդիրներ են եղել համակարգի ներդրման հետ կապված: Մյուս փուլում խնդիր ենք ունեցել սոցիալական աջակցության տարածքային մարմիններում ID քարտերի միջոցով այդ վճարումներն իրականացնելու հարցում», - նշեց Զարուհի Բաթոյանը:
Փաշինյանը հարցը կրկնեց. «Այս պահին լուծվե՞լ է հարցը, բոլորը ստացե՞լ են»:
Զարուհի Բաթոյանն ասաց, որ վճարումները սկսվել են մարտի 29-ից և օրենքով սահմանված կարգով 10 օրվա ընթացքում «Հայփոստը» պետք է տրամադրի:
«Բոլոր տարծքներում սկսվել են վճարումները, բայց մենք տեխնիկական խնդիր ունենք: Այս պահին դա իրականացրել ենք թղթային տեղեկանքների միջոցով բայց հաջորդ ամիս պետք է տեխնիկական ապահովությունն իրականացնենք, որ խնդիր չառաջանա», - նշեց նա։
Ամբողջական հոդվածը կարող եք կարդալ այստեղ