Իտալացի գիտնականները հայտնել են տարեց մարդկանց կյանքը երկարացնելու մեթոդը
18:00 , 3 ապրիլ, 2019Իտալիայում ավագ սերնդի խնդիրների ուսումնասիրման կենտրոնի գիտնականներն ապացուցել են, որ տնային կենդանիները երկարացնում են իրենց տերերի կյանքը:
Կենդանիները, հատկապես շները, նպաստում են իրենց տարեց տերերի ֆիզիկական լավ վիճակի պահպանմանը:
Վիճակագրության համաձայն՝ Իտալիայի 65 տարեկանից բարձր բնակիչների 70%-ը տնային կենդանիներ ունի: Տարեց իտալացիների գրեթե կեսը տանը շուն է պահում:
Կենդանիները տարեց քաղաքացիներին ստիպում են ավելի երկար պահպանել ֆիզիկական և հոգեկան առողջությունը:
Կենդանիների դրական ազդեցության հիմնական պատճառը նրանց ցանկացած եղանակի դեպքում զբոսանքի տանելու անհրաժեշտությունն է, ինչը փոխարինում է ֆիզիկական վարժություններին: Բացի այդ՝ կարևոր է նաև «մտերիմ կենդանի էակի» ընկերակցությունը, հաղորդում է ՏԱՍՍ-ը: