Հրշեջները մարել են Շիրակամուտ գյուղից Չիչխանավանք տանող ճանապարհին բռնկված հրդեհը
22:30 , 28 մարտ, 2019Armenpress.am-ը գրում է.
ՀՀ արտակարգ իրավիճակների նախարարության «911» ծառայությունը մարտի 28-ին, ժամը 14:38-ին ահազանգ է ստացել, որ Լոռու մարզի Շիրակամուտ գյուղում այրվում է խոտածածկ տարածք՝ տարածվելով դեպի հարակից անտառը:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Հրդեհը մեկուսացվել է ժամը 15:09-ին, մարվել՝ 15:56-ին:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, Շիրակամուտ գյուղից Չիչխանավանք տանող ճանապարհին այրվել են խոտածածկույթ՝ մոտ 2 հա և ինքնաշեն տնակ՝ մոտ 18 քմ: Հրդեհի հետևանքով տուժածներ չկան: