Հավը՝ կոճապղպեղով. ասիական աննկարագրելի համեղ կերակրատեսակ

Ասիական ոճով պատրաստված հավի փափկամսի հետաքրքիր բաղադրատոմս, որը անտարբեր չի թողնի ոչ ոքի։

Անհրաժեշտ բաղադրիչներ

• Հավի կրծքամիս – 1 կգ
• Բրնձի քացախ – 50 մլ
• Սխտոր – 5 պճեղ,
• Կոճապղպեղ – 4 ճ/գ,
• Պրաս – 1 հատ,
• Սոյայի սոուս – 50 մլ,
• Օսլա – 50 գ,
• Արևածաղկի ձեթ – ըստ ճաշակի։

Պատրաստման եղանակը

1. Պատրաստենք մթերքները. կտրատեք փափակամիսը մեծ կտորներով, պրասի սպիտակ մասը կտրատեք կիսաշրջաններով, իսկ կանաչ մասը՝ երկար ձողերով, իսկ կոճապղպեղը քերիչով անցկացրեք։ Կոճապղպեղը պետք է շատ լինի՝ մոտ 50 գրամ։ Մանր կտրատեք սխտորը։

2. Լավ ծեծեք հավի կտորները, իսկ հետո գնդիկների վերածեք, ինչպես նկարում է ցուցադրված։ Դա միսն ավելի նուրբ կդարձնի։

3. Հետո փափկամիսը դրեք խորը թասի մեջ և 5-7 րոպե մարինացրեք քացախի մեջ, հետո հատ–հատ թաթախեք օսլայի մեջ։

4. Թավան բուսայուղով լավ տաքացրեք և հավի կտորները տապակեք շիկացած բուսայուղի մեջ։ Տապակեք ամեն մեկը 2 րոպե։

5. Հավի կտորները դրեք թղթե անձեռոցիկի վրա և պատրաստեք կոճապղպեղի սոուսը։

6. Բուսայուղի մեջ տապակեք կոճապղպեղը։ Ավելացրեք պրասն ու սխտորը և չորս րոպե տապակեք խառնելով։ Ավելացրեք սոյայի սոուսը։

7. Մեկ րոպեից տապակած հավն ավելացրեք և բոլոր բաղադրիչներն իրար հետ եփեք ևս 3-4 րոպե։