Գազարը մաքրում ենք, լվանում, անցկացնում ենք քերիչով ու տապակում բուսայուղով լի տապակի մեջ:
Սոխը մաքրում ենք ու խորանարդաձև կտրատում, ապա տապակում ենք բուսայուղով լի տապակի մեջ:
Սունկը լվանում, մանր կտրատում ու նույնպես տապակում ենք բուսայուղով լի տապակի մեջ:
Բոլոր բաղադրիչները խառնում ենք ու ստանում համեղ միջուկ լավաշի համար:
Լավաշը փռում ենք սեղանին, լցնում ենք միջուկն ու հավասարապես տարածում:
Զգուշորեն փաթաթում ու վերածում ենք ռուլետի, որից հետո դնում ենք սննդային տոպրակի մեջ ու 20 րոպե թողնում սառնարանում:
Այնուհետև հանում ենք սառնարանից, բաժանում ենք կտորների ու մատուցում:
Համեղ ռուլետը պատրաստ է։