Ո՞ր մթերքներից է պետք հրաժարվել հոդացավերի դեպքում

Հոդերի ցավի պատճառ կարող է դառնալ վնասվածքը, ինչպես նաև որոշ հիվանդություններ։ Ցավից ազատվելու համար շատերս օգտագործում ենք դեղահաբեր և տարբեր քսուքներ։ Սակայն այս միջոցները ոչ միշտ են արդյունավետ լինում։ Այդ միջոցների թերապևտիկ ազդեցությունը մեծացնելու համար հարկավոր է հատուկ դիետա պահել։

Հոդացավեր ունեցող մարդկանց բժիշկները խորհուրդ են տալիս հրաժարվել հետևյալ մթերքներից.

Կաթնամթերք

Կաթնամթերքի բաղադրության մեջ առկա սպիտակուցը մեծ տարիքում շատ դժվար է մարսվում։ Այս մթերքից ամբոջովին հրաժարվել հարկավոր չէ, ուղղակի պետք է կրճատել օգտագործման չափաքանակը։ Այն կօգնի հասկանալ, թե որքան մեծ է կաթնային սպիտակուցի դերը հոդերի բորբոքման գործընթացում։  

Աղ

Աղը օրգանիզմում հեղուկի պահպանման պատճառ է դառնում, ինչն էլ բարձրացնում է զարկերակային ճնշումը։ Հոդերի լավ աշխատելու համար հարկավոր է պահպանել աղ-ջրային հավասարակշռությունը, այդ պատճառով ցանկալի է կրկնակի կրճատել աղի օգտագործումը։

Շաքար

Ժամանակակից աշխարհում մարդը մեծ քանակությամբ շաքարավազ է օգտագործում։ Այս մթերքը բորբոքման պատճառ է դառնում, քանի որ համագործակցում է սպիտակուցների և ճարպերի հետ։ Բացի այդ՝ շաքարավազն արագացնում է ծերացման գործընթացը։ Հնարավորության դեպքում ամբողջովին հրաժարվեք շաքարի օգտագործումից։ Այն փոխարինեք մրգերով և մեղրով։